ما هو الحب؟

موضوع: ما هو الحب؟ الخميس ديسمبر 16, 2010 1:57 am

لية حاسة انة مش بيحبك ؟
الراجل بطبيعتى طريقة تفكيرة اللى ربنا خالقة بيها تخلية لما يركز على حاجة ينسى اي شئ غير مرتبط بالحاجة اللى مركز عليها. ربنا خالق الرجالة كدة. بعكس الستات . الست بطبيعتها مهتمة بالناس و العلاقات الانسانية . ربنا خالقها انها لما تركز على حد يكون تركيزها على الامور المحيطة بالشخص دة. .
ربنا خلق الراجل كدة عشان الراجل مطلوب منة بشتغل و يوفر القوت اليومى لاسرتة. هو رب الاسرة. و خلق الست كدة عشان تاخود بالها من الاسرة و احتياجات زوجها و اولادها عشان يكون في توازن في الاسرة. عشان كدة الراجل تركيز تفكيرة بيكون على الاشياء زي السيارات و الهواتف و احدث الالعاب. لكن الست تركيزها بيكون على العلاقات الانسانية و الحب و المرح.
مخ الراجل بيشتغل بطريقة مختلفة عن الست لما يحط هدف في دماغة. الهدف دة دايما الاهم و هو شغلة و نجاحة فية لان شغلة بيعينة على ان يعيل الاسرة. فاتلاقية و هو مركز مثلا على نجاحة في شغلة يكون شايف الحجات اللى توصلة لهذا النجاح. انتباهة بيكون بعيد تماما عن اى شئ اخر بعيد عن تحقيق هدفة. لدرجة انة لما يغير لحاجة اللى بيفكر فيها لحظة انة خلاص حقق هدفة و بيتنقل الى التفكير لطريقة تحقيق هدف تانى بينسى اية اخر حاجة عملها لتحقيق الهدف الاول رغم انة لسة مخلصها من دقائق فقط. طبعا انتى مش من ضمن الاشياء اللى ليها علاقة مباشرة بتحقيقة لهدفة. يعنى انتى مالكيش علاقة مباشرة بالتقرير اللى لازم يتقدم يوم الاحد الصبح على مكتب مديرة. مالقيش علاقة مباشرة بنسبة المبيعات اللى لازم يحققها على نهاية الشهر لو هو شغال في قسم المبيعات في شركة.
تيجي انتى بقى بطبيعتك تاخدى بالك من البيت و توفى لجوزك الجو المناسب انة يستريح لما يجع من الشغل و تسكتى العيال و تتاكدى ان هدومة نضيفة دايماو الحجات دي كلها. اللى هى حجات متعلقة بة هو لانة هو محور اهتمامك لان ربنا خلقك كدة بتفكري في الحجات المتعلقة بالناس اللى بتحبيها و اللى تكون مرتبطة بيهم.
لما يطول اندماجة في شغلة بالمنظر دة و تحسي انة مش مديكي اي اهتماما هاتحسي انى مش بيحبك. لانك لما بتحبي حد بتدى اهتمام لشخصة و للامور المتعلقة بة و حولة. و طبعا متوقعة منة نفس الشئ. لانك فاهمة انة اللى بحب حد بيعمل كدة. هو الحقيقة ان الست لما بتحب حد بتعمل كدة لان دي طريقة تفكيرها. لكن الراجل مش كدة. الراجل بطبيعتة اللى ربنا خالقة بيها معتقد انة بعملة اليومى و حرصة على توفير قوت اليوم لمراتة و عيالة كدة هو بيحبهم و هما شايفينة بيعمل كدة معنى كدة هم مقتنعين انة بيحبهم و مقدرين تعبة عشانهم. بس كدة. طبعا في فجوة في النص بين الطريقة اللى بيحسس بيها الراجل زوجتة بحبة ليها و الطريقة اللى بتحسس بيها الست جوزها بحبها لية.. كل واحد فيهم شايف انة لما يعمل حجات معينة كدة بيثبت حبة و متوقع نفس الحجات تتعمل معاة عشان الطرف التاني يثبت حبة. و في نفس الوقت الحاجة اللى بيعملها كل واحد فيهم عشان يثبت حبة للتاني مختلفة عن الاخر. كل واحد فيهم فاكر ان هو دة اللى المفروض يتعمل.
عشان كدة الراجل بيكون مستغرب لما تيجي تقولى لة انا حسة انك مش بتحبني . بيسال نفسة ازاي الاحساس دة جالها ؟ دانا طول اليوم مطحون في الشغل عشانهم. دانا بجيب لهم و باشتريلهم. و الست اللى مفتقداة هو احساها باهتمامة بيها .
الموضوع لحد كدة عادي يعنى مفهوم لكن المشكلة في اللى بيحصل بعد كدة. تيجي الست بسبب احساسها بعدم اهتمام جوزها ليها تبدا تتفانى اكتر في شغل البيت عشان تثبت لة اد اية هى بتحبة . يعنى تحس انها ممكن تكون مقصرة في الاهتمام بة عشان كدة هو ممكن يكون مش بيحبها. فتهتهم اكتر و تتفانى اكتر و تنسى نفسها خالص. و توفاجا ان الرجل زي ماهو. دة بالعكس ممكن يزيد.
هو الحل مش كدة. انتى حاسة بالاحباط و بعدم اهتمام جوزك بيكي ابداى كلمية عن اللى انتى حاسة بة قبل مالموضوع بتفاقم عندك و منغير ماتعملى مشكلة معاة و انتى بتتكلمى معاة في الموضوع . لانة هو مش غلطان. هو ربنا خالق دماغة كدة. انتى بس مطلوب منك انك تنبية للاختلاف و الفجوة اللى بين الراجل و الست. زي ماكان عندك اهتمام انك تقري المقالة دي عشان تحلى المشكلة دي. وعية باللى اتعلمتية من المقالة دي. المسئلة مسئلة وعى مش اكتر.
انتى مش هاتقولى لة انت مقصر معيا. انتى تبداى تتكلمى معاة و تقضى وقت معاة في الكلام. لو جة و اقترح عليكي انكم تخرجوا ماتجيش في الخروجة تتكلمى عن عدم اهتمامة بيكي و اهمالة ليكي و اهتمامة بالشغل بس. انتى فاكرة انك كدة بتحلى المشكلة لكن هى كدة بتتعقد اكتر. لما تيجي تكلمية في اي شئ و تعبريلة عن مشاعر الاحباط اللى جواكي و انتى متتظرة منة انة يسمعك، حسسية في نفس الوقت ان كل شئ تمام و انك بس محتاجة منة يحس باللى انتى حاسة بة .
هو بيحبك و هايديكي عينية عشان بيحبك. مش محتاجة في اللحظة دي انك تقولى لة انا حاسة بكذا و انت مقصر و تنقضية. لا هى مش كدة الطريقة خالص. مجرد انك تحسسية بالمشاعر اللى انتى حاسة بيها و تتااكدى انها وصلت لة استنى منة رد في ساعتها و شئ يعوضك عن احساسك دة.
لازم تتصرفى على اساس انك فاهمة ان في اختلاف بين الرجل و الست في التفكير و الادراك و طريقة الحب يخلى في سوء تفااهم بينهم لو كل واحد فيهم مافهمش الاختلاف دة و عمل على انة يتفاداة. منغير ماتلومية فهمية ان مجرد اصغائة ليكي و انتى بتتكلمى هو اللى انتى محتاجاة و انك هاتقدري اوي لو عمل معاكي كدة. اشكرية على اي حاجة يعملهاعشانك و ماتستهينيش باي حاجة يعملها عشانك.
لما تلاقى نفسك وقعتى في فخ الاهتمام المتزايد بة بدون تلقى اهتمام مقابل منة لا تزيدي من الاهتمام بة على حساب راحتك. مابقولش ماتهتميش بة. بس لو تعبانة اهتمى بنفسك الاول. انتى الاول و بعدين هو. لو حصل تقصير في اهتمامك بة بسبب اهتمامك بنفسك قبلة هايكون كويس لانة هايلاحظ انة مقصر في الاهتمام بيكي ساعتها .
فهمى زوجك او خطيبك المطلوب منة و هو كالاتي:
يسمعك و يساعدك على اكتشاف المشاعر اللى جواكي و يساعدك على التعبير عنها . يساعدك في اكتشاف احتياجاتك الخاصة بيكي . لانك انتى في اغلب الوقت بتكونى مش عارفها و بتكتشفيها في لحظات الحب و المودة اللى بينكم. فهمية انة محتاج يحط اهتمامة بزوجتة هدف مستقل بذاتة. و الا عمرة ما هايعرف يهتم بيكى وسط اهتمامة باى شئ اخر. لانة لما بيركز في حاجة مش بيكون واعى باللى حولية و بيكون مالوش دعوة باي شئ مالوش علاقة بالحاجة اللى مركز فيها. عشان كدة لو ماكانش اهتمامة بيكي هدف مستقل بزاتة عمرة ما هايحصل. بس تفهمية كدة منغير نقض. يعنى تتكلمى في النقط دى و تفهمية انك مش زعلانة منة لان دي الطبيعة اللى ربنا خلق بيها الرجالة. و دة مش عيب فية. العملية بس محتاجو ان كل واحد فيكم يكون واعي للاختلافات اللى بينكم و في طريقة التفكير و الحب كراجل و ست و تجنب المشاكل اللى ممكن تحصل بسبب الاختلاف دة.

شكرا لك
موضوع من أعقد المواضيع في الحياة
ويحتاج إلى كتب ومجلدات...
الحمد لله الذي منحنا قلب لنحب فيه
مشكوووووووووووور

مشكورررررررررررررررر

ولك بالمثل أخي

مشكوررررررررررررررررررررر

زائر

شكراااااااااااااااااا لك متميز كعادتك

بارك الله فيك دموع الحب على الموضوع المميز

مشكوررررررررة اختي غالية

شكرا موضوع شيق لكن اللي يفهملوا :)

مشكور

» الحب نبضة قلب … الحب حياة ...
» جمل كلام عن الحب للعشاق فقط اجمل كلام في الحب
» ثيم الحب
» الحب لك و حدك نــــــــــــــــــــــــــــــــــ
» الحب