يتيمة يا يمة {الام}

هذه أخر مشاركة لي في المنتدى وأحببت أن أختم مشاركاتي بقصيدة للام الغالية
أطال الله في عمر أمهاتكم

يـــمـــه
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟

يــمـــه ...
أسمع أنــا صوتك ..
كل يوم اسمعه ..
واذا حاكيتك هاوشوني ..
قالوا انسي ..
روحي يالله العبي .... !!

يــــمــه
تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..

يـــمــه
تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح



يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...

يـــمـه
عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا

يــمــه
يالله خلاص لاتمزحي
يالله قومي
تعالي معي للبيت ارجعي

يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين اقاربنا ..؟؟
وين خالتي ..
اللي كانت تجينا ...


يمممه
قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى امس جيتك ..
مارديتي ..
حسبتك نــايمه ..

أو اقولك ..
خلاص خلاص ..
انا بجيك بكرى ..
اذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ارجعي ارجعي ****



الام غالية وفقدها صعب جدا البنت ابدعت في كلماتها وبفضل الله ثم والدتها التي علمتها كيف تكتب !!!!
الله يصبرها ويرحم والدتها ويسكنها فسيح جناته
ويرحم امهات المسلمين
آآآآآآمين

أرجو أن تنال اعجابكم ويرحم أمهاتكم الحياء والاموات في الدنيا والاخرة

غاليتي وتوأم روحي
مسكينة هذه الفتاة وما كتبته يمزق القلب
كلماتها وصلت الى القلب وخاصة أنها كتبت ببراءة الاطفال
بارك الله بها ورحم والدتها ووالدتك ووالدتي وأمهات المسلمين الاحياء والاموات
ابكتني هذه القصيدة وأحس بشعور الفتاة وشعورك وأظنك بكيت وأنت تنقلين هذه القصيدة لانها تذكرك بوالدتك رحمها الله ولان كل ما يذكر عن الام يبكيكي مباشرة
تحياااااااااااتي لك على هذا النقل الرائع والنتقاء المميز
تحياااااااااتي الودية والقلبية